Marignana
From Wikipedia
Marignana hè una cummuna di u dipartimentu di a Corsica suttana. Hè appesu u paese à a muntagna à un'altura media di 730 metri. Hè postu à circa 65 chilometri da Aiacciu, ind'un cantone chjamatu ufficialmente "Dui Sevi", ma u rughjone vene suvente chjamatu "Pumonte" da i so propii abitanti, puru chì u nome "Pumonte" possa insignà a Corsica suttana sana. Si trovanu dui paisoli annant'à i listessi tarreni cumunali : Chidazzu à 1,5 chilometri da Marignana, è Revinda luntanu circa 15 chilometri è chì suprania à Carghjese. Ci hè circa 70 abitanti d'invernu, chjamati i Marignanesi. A pupulazione cresce di solitu in fin'di sittimana, ma masimu durante e vacanze. Durante i mesi istatini, sì pò alzà a pupulazione à 500 parsone mentre uni pochi di ghjorni ma si mantene piuttostu intorn'à 300 abitanti di regula. U santu patrone di u paese hè San Ghjacumu, è a festa patrunale accade a prima duminicata dopu u 25 di lugliu, ghjornu di a San Ghjacumu. Ci hè dui caffè, un ustaria è una buttighella induv'ellu si pò truvà calchì roba da manghjà è a stampa più sparta.
Hè u paese di Versini Dumenicantone (Marignana 1872- Aiacciu 1950) dettu Maistrale, ch'hà cullaburatu à u ghjurnale " A Muvra" di Petru Rocca. Hè dinò quellu di u scrittore è pueta Ghjacumu Santu Versini (Marignana 1867 - Aiacciu 1922), fundadore incù Saveriu Paoli di a rivista " A Cispra", è stututore di prufissione. Ci hè ancu natu Coppolani Savieru (Marignana 1866 - Mauritania 1905), cunquistadore pacificu di a Mauritania, è dopu u so amministratore.
| Marignana | |
|---|---|
| Statu | Francia |
| Rigioni | Corsica |
| Dipartimentu | Corsica suttana |
| Circundariu | Aiaciu |
| Cantonu | Dui Sevi |
| Codici INSEE | 2A154 |
| Codici pustali | 20141 |
| Merri | Massoni Martinu |
| Intercumunalità | alcuna |
| Longitudina | 08°47'59 |
| Latitudina | 42°14'01 |
| Altitudina | 730 m |
| Superficia | 55,7 km² ettari |
| Pupulazioni | 101 |
| Dinsità | 2 ab/km² ab./km² |
Cuntenutu |
[edit] Giugrafia
[edit] Storia
Si cunnosce poche cose à prupositu di u stabulimentu di a ghjente in Marignana, ma hè cunsidaratu u paese cum'è un locu di trasforu di i pastori niulinchi trà a piaghja è a muntagna. Magaru si saranu prima stallati in Chidazzu innanzu di cullà appena insù ver'di Marignana.
[edit] Merri
Massoni Martinu hè u merri attuale di Marignana dipoi l'alizzione di u 09/03/2008. Succede à Versini Salvadore ch'hè statu merri da u 1983 fin'à u 2008.
[edit] Rifarenzi
[edit] Liami
- Scuparta di a Corsica : aspetti storichi è culturali di a Corsica, futtò di paesi. Situ in cuncipimentu.
- Marignana è u so circondu
- Paese di Marignana : u paese di Marignana in futtografie è fatti storichi è geugrafichi.
