Albitru
From Wikipedia
|
|||||
|---|---|---|---|---|---|
 |
|||||
| Arbutus unedo | |||||
| Classificazioni scentifica | |||||
| Regnu | Plantae | ||||
| Divisioni | Magnoliophyta | ||||
| Classa | Magnoliopsida | ||||
| Ordini | Ericales | ||||
| Famiglia | Ericaceae | ||||
| Genaru | Arbutus | ||||
| Nomu binuminali | |||||
| Arbutus unedo Aiton, 1753 |
|||||
 |
|||||
L' Albitru (o Arbitru) (Arbutus unedo) hè un arburettu o un picculu arburu chì faci parti di a famiglia di l' Ericaceae.
L'àlbitru pò ghjugna à un altezza di 7 o 8 metri. T'hà i foglii ovali è lungarini, di 2-4 x 10-12 centimetri. U so culori hè verdi scuru. U fiori di l'albitru si chjama a bruma. I fiori di l'albitru sò riuniti è a so corolla hè bianca-giaddiccia o ancu rosulina. U fruttu di l'arbitru hè u bagu. U so culori hè rossu à l'ebbica di a maturità è a forma hè sferica di circa 2 cm. L'albitru fiurisci d'uttrovi o di nuvembri.
L'albitru hè cumunu è tuttu à fattu tipicu di a machja mediterrania. Hè nativu di i paesi di l'Auropa miridiunali ma è moltu diffusu anch'è in California. Si trova dinò annantu à a costa atlantica, sin'à l'Irlanda.
Cuntenutu |
[edit] In Corsica
L'albitru hè cumunu in Corsica. Parechji toponimi facini minzioni di l'albitru: par asempiu a Bocca Albitrina (vicinu à Sartè), u Stagnu d'Arbitru, Arbitru (vicinu à i Monachi).
[edit] Gastrunumia
Incù u bagu, si faci tradiziunalementi l'acquavita.
Si faci dinò a cunfittura di baghi. Par quissa si coglini i baghi rossi rossi, beddi maturi. Si lavani è si asciuvani. Dopu i baghi si lagani à mogliu in un cunconu incù u zuccaru (1 kilò di zuccaru par un kilò di baghi) in polvara, durenti alminu dodici ori. U lindumani, s'aghjusta un bichjirinu d'acqua. Dopu si faci cocia tuttu durenti dui ori, à focu dolci. Di quandu in quandu, si caccia a sciuma.
[edit] Citazioni
L'albitru hè mintuvatu à spessu in a litteratura è in a cultura corsa. Par esempiu:
- in a sprissioni: rossu com'è un bagu
- in a buccata: rossu imbagatu, rossu imbagarellatu
[edit] Rifarenzi
[edit] Da veda dinò
- u bagu
- a bruma
- l'albitru muntaninu
Issu articulu hè in custruzzioni. Pudeti cuntribuiscia à a so redazzioni.
