Kuóh-dà̤
Lài-nguòng: Wikipedia
Kuóh-dà̤ ("曲蹄", hĕ̤k siā có̤ Kuŏ-dà̤ "科题"), iâ hô̤ lō̤ Kuóh-dà̤-giāng (曲蹄囝), sê Hók-ciŭ gì siŏh ciĕ mìng-hiê, sĕng-uăk diŏh Mìng-gĕ̤ng siông tō̤ ngṳ̀. "Kuóh-dà̤-giāng" sê lṳ̆k-dê siông gì Háng-ìng ā̤-huá ĭ-cà̤ sū kī gì miàng.
[Siŭ-gāi] Kī-nguòng
Siŏng-diòng Nguòng-dièu sèng-hâiu, ô Mūng-gū nè̤ng lì Hók-ciŭ lì dêu. Nguòng-dièu miĕk-uòng sì-hâiu, Háng-ìng cêu hióng cī piĕ Mūng-gū nè̤ng bó̤-siù. Cī piĕ Mūng-gū nè̤ng ôi lāu dò̤-biê Háng-ìng, dŭ cāu gáu Mìng-gĕ̤ng siông, biéng có̤ tō̤-ngṳ̀-gi (ngṳ̀-mìng). Dáng cī piĕ tō̤-ngṳ̀-gi dô̤-dā̤ sê-ng-sê cĭng gìng Mūng-gū nè̤ng mì làu dék, gó ô căng-ngiê.
