Naga (ciudad)

Halì sa Wikipedia

Para sa ciudad kan Naga sa Cebu, hilingon an Naga (ciudad), Cebu.

Ciudad nin Naga

Ladawan:Ph seal nagacity.png
Location
Mapa kan Camarines Sur na ipinapahiling an lokasyon kan ciudad kan Naga
Government
Rehiyon	Rehiyon Bikol
Provincia	Camarines Sur
Mga Distrito	ika-2ng distrito kan Camarines Sur
Mga Barangay	27
Klase nin Ganar:	1a klase; urbanisado
Mayor	Jesse M. Robredo (LP)
Kamondagan	1573
Cityhood	December 15, 1948
Official Website	www.naga.gov.ph
Pisikal na Kamogtakan
Hiwas	84.48 km²
Populasyon      Total (2000)      Densidad	137,810 1631/km²
Coordinates	13°37'N 123°10'E

An Ciudad nin Naga (Ingles: City of Naga; Filipino: Syudad ng Naga) sarong primera klaseng ciudad kan Filipinas. Namomogtak ini sa Rehiyon Bikol sa sur-sulnupan na poro kan isla nin Luzon. Nasa 377 km sa sur-sulnupan ini kan ciudad kan Manila asin 380 km sa norte-subangan kan ciudad kan Cebu sa Visayas.

Kun ikokomparar an sakop kan ciudad sa ibang mga ciudad kan rehiyon, bakong mahiwas an sokol (land area) kaini. Huli kaiyan ini an pinaká surusuan (densely populated) na ciudad sa rehiyon. Segun sa sensus kan 2000, igwang 137,810 na katawong naka-istar digdi. Bisto sa apod na "Heart of Bicol" (Bikol: Puso kan Bikol), ini an solamenteng independienteng ciudad asin an sentro kan edukasyon sagkod Simbahan na Katoliko sa rehiyon. An mga residente digdi inaapod na Nagueños.

An ciudad an sentro kan Metro Naga, an lugar na komponido kan 12 banwaan asin ciudad nin Naga na marikas an pag-uswag na kabali sa Metro Naga Development Council. Komponido kan mga banwaan sa Segundo Distrito kan Camarines Sur, apwera kan Canaman, asin mga banwaan sa tolong distrito kan provincia nin Camarines Sur na harani sa ciudad nin Naga sakop kan MNDC.

Mga laog 1 Edukasyon 2 Uusipon 3 Mga barangay 4 Mga panluwas na takod

[hirahón] Edukasyon

An ciudad nin Naga an sentro kan edukasyon sa Bikol nin huli sa pahingorag na institusyon nin halangkaw na pagkanood digdi kabali an: Ateneo de Naga University na pinapadalagan kan mga Heswita; University of Nueva Caceres na pangeonot na unibersidad sa taon nin pagkamukna asin bilang kan estudyante; sagkod Universidad de Sta. Isabel na pinapadalagan kan mga madre kan Daughters of Charity asin an pinakágurang na eskwelahan na normal para sa mga babai sa Harayong Subangan.

An posibleng ikaapat na universidad kan ciudad an Naga College Foundation na pangenot na eskwelahan nin Criminology sa rehiyon.

[hirahón] Uusipon

Bago sa pagaabot kan mga Kastila, mayaman na lugar na an dating banwa kan Naga na tuminubo sa duwang salog na Bikol asin Naga. Igwa na ining mayaman na kultura asin mga matibay na armas. Sa panahon kan mga Kastila an Naga ay nagin sentro kan kultura, negosyo asin relihiyon kan enterong kabikulan.

An pangaran daa kan Naga ay hale sa pagdungog nin sarong konkistador na Kastila, si Juan de Salcedo sa ngaran kan sarong puno na pigaapud na Naga kan kaitong mga Bikolano. Bisto ining puno sa ngaran nin Narra sa tataramon na Tagalog. An Naga ay sarô sa pinaká enot na ginibung ciudad kan mga Kastila sa enterong Filipinas. Sa taon na 1575 an Ciudad de Caceres an nagin bagong ngaran nin Naga. Sa pagaabot kan mga Amerikano, nawara an pagka ciudad kaini asin binalik an saiyang ngaran sa Naga sa taon na 1919. Sa taon na 1948 nagin ciudad na naman an Naga sa proklamasyon nin Republic Act No. 305.

[hirahón] Mga barangay

May 27 na mga barangay an Naga:

• Abella (CBD I)
• Bagumbayan Norte
• Bagumbayan Sur
• Balatas (CBD III)
• Calauag
• Cararayan
• Carolina
• Concepcion Grande (CBD III)
• Concepcion Pequeña (CBD III)
• Dayangdang
• Del Rosario
• Dinaga (CBD I)
• Igualdad Interior (CBD I)
• Lerma (CBD II)
• Liboton
• Mabolo
• Pacol
• Panicuason
• Peñafrancia
• Sabang (CBD I)
• San Felipe
• San Francisco (CBD II)
• San Isidro
• Santa Cruz (CBD I)
• Tabuco (CBD I)
• Tinago
• Triangulo (CBD II)

[hirahón] Mga panluwas na takod

• Opisyal na Websayt kan Ciudad nin Naga
• Philippine Standard Geographic Code
• 2000 Philippine Census Information