Zweita Wötkriag
Aus Wikipedia
Da Zweite Wötkriag woah vum 1. Septemba 1939 bis zum 2. Septemba 1945, oba am 8.Mai woah er in Europa aus. Er woah da zwoate auf globala Ebene gführte Kriag vo sämtliche Großmächte vom 20. Jahrhundert und is da gresste Konflikt mid de meistn Dodn in da Gschicht vo da Menschheid bis jétz. Er is der oanzige Kriag, in dem sowoi atomare (von de USA in Japan) ois aa biologische und chemische Waffn (oi zwoa vo Japan in China) eigsetzt worn san (ABC-Waffen).
Auslösa woah in Europa da Angriff vom Deitschn Reich auf Polen ohne Kriagserklärung am 1. Septemba 1939. De Ausweitung vom Kriag auf de USA und Asien is durch den japanischen Angriff auf Pearl Harbor am 7. Dezember 1941 gscheng. 1945, am 9. Mai, hot da General Wilhelm Keitel de bedingungslose deitsche Kapitulation untazeichnet. De Japana ham am 2. Septemba 1945 kapituliert.
Inhaltsverzeichnis |
[dro werkln] Valauf
[dro werkln] 1939
Aum erstn Septemba 1939 um dreiviertl fünfe in da Fruah hod de deitsche Wehrmocht de Grenz zu Poin übaschrittn. Drauf haum Englond und Fraunkreich de Deitschn in Kriag erklärt. De poinische Armee is innahoib va zwoa Wochn niadergschlogn wordn und Deitschlond hot den greßtn Teil va Westpoin besetzt. De Sowjetunion hod an Teil im Ostn annektiert (gemäß dem Deitsch-Russischn Nichtaungriffspakt vam August 1939).
[dro werkln] 1940
In dem Joah hot Deitschlond mit da Blitzkriagtaktik Frankreich, Belgien, de Niedalånde, Dänemark und Norwegn erobert. Außadem hot da Luftkriag um Englond ohgfongt, der bis 1941 dauert hod.
[dro werkln] 1941
Am 22 Juni hot die Wehrmocht Russlond ohgriffn. In dem Joah is a de Vereinigtn Stååtn in den Kriag eitreten, weil de Japaner bei Pearl Harbor ohgriffn hom.
[dro werkln] 1942
1942 woah de Wende im Kriag in da Schlåcht vun Stalingrad.
[dro werkln] 1943
1943 hom de Amerikaner und Englända Italien in da "Operation Husky" erobert. Außadem hom de Alliierten Nordafrika gonz annektiert.
[dro werkln] 1944
Am 6. Juni 1944 san de Alliierten in da Normandie in Frankreich eihgfoin. Des gonze is bei de Westalliertn unta dem Decknomen Overlord obglaufn. In de fünf Strondobschnitte: Gold, Juno und Sword, des woan de Strondobschnitte, woh de Engländer und Kanadier zuaständig woan. Omaha- und Utah-Beach woa des Londegebiet vo de US-Amerikana. De deitsche Wehrmocht hod ois Vorbereitung gegn a soiche Londung a muats Bollwerk, an Atlantikwall, üba de Läng vo da gesaumtn Nordküstn vo Spanien bis Deitschlond aufbaut.
Am 20. Juli hom da Oberst Claus Schenk Graf vo Stauffenberg und a boa ondare höihe Wehrmochtsoffiziere an Ånschlog aufn Hitler vaübt, dea oba ned gonz hinhaun meng hod.
[dro werkln] 1945
1945, am 9. Mai, hot da Wilhelm Keitel de bedingungslose deitsche Kapitulation untazeichnet, oba am 8. Mai hot de Wehrmocht scho nimma kämpft. Am 6. und 9. August 1945 san gegen die japanischen Städte Hiroshima und Nagasaki Atombomben obgworfen woan. Deshoib hom ah de Japana am 2. September doan kapituliert.
