Equidae
De Biquipedia
 |
Iste articlo tién una bersión escrita con una grafía alternatiba esperimental propuesta por bels biquipedistas aintro d'o Biquiproyeuto:Grafía. Puede beyer-se aquí. |
| Equidae | ||||||||||||||||
|---|---|---|---|---|---|---|---|---|---|---|---|---|---|---|---|---|
 Equus caballus przewalskii, o cavallo de Przewalski. |
||||||||||||||||
| Clasificazión zentifica | ||||||||||||||||
|
||||||||||||||||
| espezies | ||||||||||||||||
|
Es equidos (zentificament equidae) son una familia de mamiferos aintro d'a orden d'es perisodactilos que autualment encluy només que un chenero bibo; Equus, e dibersos altros de preistoricos. Es equidos autuals tienen as dients con coronas altas adaptatas ta paixentar-se d'a ierba d'estepas, pratieras e semidesiertos, e ras patas rematatas en un dito solero que tien un casco d'ungla firme. Gosan á bibir en collas de dibersos ixemplars, generalment gubernatos por un masclo adulto (l'unico que puet reproduzir-se) e dibersas fembras con as suyos poltrez.
O chenero aparixore en Norteamerica en o pleistozén, d'á on que en surtiore ta colonizar Sudamerica, Eurasia e Africa. Posteriorment, s'estinguiore en America d'o Norte dic'a conquiesta d'es españoles d'o sieglo XVI. Una carauteristica bestichial d'o chenero Equus ye ra presenzia de rayas en o pelache, que en o caso d'es caballos e guarans tienden á mantiner-se sozliminals, pero que en as zebras se manifiestan amplament besibles.
As zebras u cebras son una colla d'espezies parafileticament denominadas asinas que, no obstante, diz que no tienen més binclos cheneticos d'entre eras que con es guarans e caballos. A unica carauteristica per a cual se denominan diferent d'es altros equidos ye a manifestazión d'as rayas d'a suya piel. A parola zebra bien d'o portugués e sinificore orichinalment "fembra d'a Enzebra", zebro en a luenga lusa. As enzebras yeran uns equidos salbaches d'a Peninsula Iberica en l'antiguidat e ra edat meya, d'es cuals en charran muitos tratatos meyebals de caza, e es cuals s'estinguioren aprosimadament per es arredols d'a buelta de sieglo d'o XV ent'o XVI. Diz que es primers navegadors portugueses que plegoren enta o sud d'Africa beyoren uns equidos de carauteristicas e midas parellanas d'as fembras d'a enzebra iberica, e d'ixa enchaquia en itoren o nombre per o cual se conoxen popularment es equidos rayatos d'Africa.
[editar] Espezies
- Equus caballus
- Equus asinus
- Equus africanus
- Equus hartmannae
- Equus hemionus
- Equus grevyi
- Equus quagga
- Equus zebra
- Equus hydruntinus (extinxita)
- Equus ferus (extinxita)
- Equus scotti (extinxita)
[editar] Se beiga tamién
- Hippotigris, o sozgenero d'as zebras.
- Mula
[editar] Enrastres esternos
Biquiespezies tien un articlo sopre Equidae.- Biquiespezies tien un articlo sopre Equus.
Se beigan as imachens de Commons sobre Equidae.- Se beigan as imachens de Commons sobre o chenero Equus.
