Vaduz

Us der alemannische Wikipedia, der freie Dialäkt-Enzyklopedy

Wappa

Basisdata
Wahlkreis:	Oberland
BFS-Nr.:	7001
PLZ:	9490
Koordinaten:	47° 08' 33" n. Br. 9° 31' 19" ö. L.
Höhi:	455 m ü. M.
Flächi:	17.3 km²
Ywohner:	5019 (30. Juni 2005)
Websita:	www.vaduz.li
Karta

Technische Yschränkung:
Dr koräkt Titel wär: »Vadoz«

Dialäkt: Liachtaschtanerisch

Vadoz (hochdütsch Vaduz) isch d'Hauptschtadt bzw. dr Hauptort vom Liachtaschta.

[ändere] Gschecht vo Vadoz

Vadoz wört 1150 s erschte Mol erwähnt. Set Metti vom 14. Johrhundert isch s Schloss dr Sitz vo da Grafa vo Vadoz gse. 1719 sin d Grafschafta vo Vadoz und d Herrschaft Schellaberg unterem Nama "Liachtaschta" zum reichsumittelbara Förschtatum wora. 1723 het's Sitz und Stimme im Reichstag (HRR) geh. Dr Nama Vadoz kunt usem Romanischa: "avadutg", vo lat. "aquaeductus" = Wassrleiteg. An anderi Dütig vom Nama set, dass es vo "vallis dulcis" käm, was sövel haasst wia "liablegs Tal".

[ändere] Sehenswürdigkeita

Vadoz ischt o a sehr beliabts Dörfle för Tourischta, es wören vil Lüt azoga vo da Sehenswürdigkeita und vo da vila Fiirtig und da Feschter wo's do git wia beischpielswis s Förschtafescht. D'Strossa vo Vadoz sin a jedem 15. August, wenn's förstafescht stattfindet, gnagelt volla.

Zom Wandra odr Skifahra hät ma's ned wit is Malbu uffe, ischt gad epa a Halbstund medm Auto vo Vadoz entfernt, mem Bus ischt's o a Halbstund.

Sos ka ma do o afat a kle durch s Dörfle dorischlendra odr a da vila Events teilneh odr gi luaga, wia zom Bispil s alljöhrliche Volleyballspel odr s alljöhrliche Filmfescht, di vila Spel im Stadion.

Es het Bars und Partydecks z Vadoz, wia s L92 (ab 18 J.), s L2 (ab 18 J.), Blackbox (ab 21. J), Beat (Alter frei), Crash-Bar (18.J) und s Old Castle (frei).

[ändere] Theater

Klitheatr Schlösslekeller Vadoz]
Operettaböhne Vadoz
Operaverein Vadoz

[ändere] Musea

Kunstmuseum Liachtenschta
Briafmarkamuseum Vadoz
Liachtenschtaner Landesmuseum
Skimuseum vom Noldi Beck

[ändere] Bauwerk

s Schlössle z Vadoz

Schloss Vadoz, Wohrzaha vom liachtaschta und Setz vor Förschtafamilia (isch ned för d Öffentlichkeit zuagengig)
Hofkellerei vom Förscht vo Liachtaschta
Regiaregsgebäude (baut im Johr zwöschet 1903 und 1905, dr Sitz vom Landtag, wört im Volksmund o "s grosse Gebäude" gnannt
Kath. Kathedrala- und Pfarreikiarcha St. Florin (an neugotischa Bau; baut zwöschet 1868 und 1873)

[ändere] Regelmäßigi Verastaltiga

Jeds Johr wört am 15. August dr Staatsfiirtig med amna Fescht und drnoch med amna riesiga Füürwerk gfiret.

[ändere] Wörtschaft und Infrastruktur

Hochschual Liachtaschta
Liachtaschtanische Landesbibliothek
Liachtaschtanischr Bankavrband
Mehrzweckhalla Spörry
Liachtaschta Bus
LGT Bank In Liechtenstein

[ändere] Politik

Börgermeischter isch set 2007 där Ewald Osplet

[ändere] Sport

Rhiipark Stadion, 4.500 Plätz, Stadion vom Vadozner Fuassballclub und vor Liachtaschtanischa Fuassballnationalmannschaft, eröffnet im Johr 1998. S Fuassballstadion Vaduz ischt verglecha med dr Iwohnerzahl s gröschte Stadion uf dr Welt.
Freibad Möhleholz
Minigolf-Sport-Aalag Schaa/Vadoz