Maisprach

Us der alemannische Wikipedia, der freie Dialäkt-Enzyklopedy

Wappe
[[Bild:\|74px\|Wappe vu Maisprach]]
Basisdate
Kanton:	Basel-Landschaft
Bezirk:	Sissech
BFS-Nr.:	2853
PLZ:	4464
Koordinate:	47° 31' n. Br. 7° 51' ö. L.
Höchi:	377 m ü. M.
Flächi:	5.06 km²
Iwohner:	931 (31. Dezember 2005)
Websyte:	www.maisprach.ch
Charte

Technische Yschränkung:
Dr koräkt Titel wär: »Maisprch«

Dialäkt: Baseldytsch

Maisprch (usgsproche [ˈmaɪʃbə̆ɾɡ], hochdytsch Maisprach) isch e politischi Gmeind im Bezirk Sissech vom Kanton Basel-Landschaft in dr Schwiiz.

[ändere] Lag

Maisprch isch inere Talsoole uff 377 m.ü.M. ibettet am Abhang vom Sunnebärg. Es gilt als nerdligschts Dorf vom Oberbaselbiet (sofärn me dr Bezirk Lieschtel nid zem Oberbaselbiet zellt). Maisprch isch usser im Süde - vom Kanton Aargau umschlosse. Nochbergmeinde sin im Süde Buus und Wintersinge, zuedäm die aargauische Gmeinde Magde, Mehli und Zeinige.

[ändere] Wappe

Sit 1944 hett Maisprch offiziell e Wappe. Es isch dur e sänkrächte Strich in zwei Helftene tailt. Beidi Helftene zaige e Wyytrübel. Rächts isch sie rot uff silbrigem Grund, links silbrig uff rotem Grund. S Wappe symbolisiert - wie azneeh isch - d Bedytig vom Wyybau in dr Gmeind.

[ändere] Gschicht

Die erscht urkundlig Erwähnig vom Ort als "Meisprache" gooht uffs Joor 1180 zrugg. 1247 hett sich denn dr Name zue Mesbrache gwandlet. Im Mittelalter hetts näbem Dorf, wo ab 1322 de Grafe vo Thierstai gheert het, no zwei grossi Buurehöf gha. Eis hett bis 1360 em Dytsche Riich, dr ander em Basler Bischof gheert. 1461 sins Dorf und beidi Höf zue de Bsitztümer vor Stadt Basel ko. 1546 hett en Brand fascht s'ganze Dorf zersteert.

Sit jehär vo grosser Bedytig fyrs Dorf isch dr Wyybau gsi. Urkundlig erwäänt wird er s'erscht Moll 1328. Uss Fundstygg waiss me aber, dass scho d Reemer a de Häng z'Maisprch Trübel apflanzt hän.