Leeuwarden
vanuit Wikipedia, die vrye ensiklopedie.
Leeuwarden is die hoofdstad van Friesland in Nederland. Die stad het 91 771 inwoners.
In 1435 is drie dorpe aan die Middelsee - Oldehove (Fries: Aldehou), Nijehove (Nijehou) en Hoek tot Leeuwarden saamgevoeg, wat in dieselfde jaar ook stadstatus gekry het.
Leeuwarden pronk met 'n pragtige binnestad en talle historiese geboue, wat tussen die Middeleeue en die 19de eeu ontstaan het. Besienswaardighede sluit die Grote Kerk (Jakobynekerk) uit die 15de eeu, die Oldehove-toring uit die 16de eeu, die Prinsessehof uit die 17de eeu, die Raadsaal van 1715, die Provinsiehuis (18de eeu), die Sint-Bonifatius-kerk (19de eeu), die Paleis van Justisie (1846), die Beurs (1880) en die Friese Letterkundige Museum (1883) in.
Die Prinsetuin is die park aan die noordkant van die binnestad van Leeuwarden.
