בני יואל
פֿון װיקיפּעדיע
בני יואל זענען סאטמארער חסידים, וואס וואוינען בעיקר אין קרית יואל און זענען קעגנערס פונעם לעצטן סאטמארער רבי'ן דער ברך משה זצ"ל און זיין זוהן ר' אהרן טייטלבוים שליט"א.
זייער הויפט שיטה איז אז דער ברך משה מיט ר' אהרן האבן אפגענויגט פונעם ארגינעלן דרך פון ר' יואל טייטלבוים, דעריבער מוז מען זיך אפטיילן פון זיי, ווייל זייער הנהגה און סאטמאר איז א געפאר אז סאטמאר זאל אוועקפארן פון די עהרליכע וועג. בכלל איז זייער שיטה אז די היינטיגע רבי'ס זענען בלאפערס און זענען א סכנה פארן אידישקייט, און קיינער איז נישט ראוי צו ממלא מקום זיין ר' יואל זצוק"ל.
ט"ו בשבט תשמ"ט האבן זיי געעפנט אייגענע מוסדות אין קרית יואל מיטן נאמען "בני יואל" וואס האט ארויסגרופן א גרויס שטורעם און די סאטמארע וועלט, און א קייט פון נאכאנאנדיגע שלעגערייען און דראמאטישע קאנפליקטן, וואס איז באריכטעט געווארן איבער די סאטמארע וועלט, און אין די לאקאלע פרעסע נאכאנאנד איבער די געשלעגן וואס זענען געווען אין קארטס און אויף נאציאנאלע טעלעוויזיע.
שפעטער ווען די סאטמארער מחלוקה האט אויסגעבראכן, האט זיך אן אינטערסאנטע זאך ארויסגעשטעלט, די מערהייט פון בני יואל האבן אנערקענט ר' זלמן לייב אלס סאטמאר רבי און ממשיך דרך פון ר' יואל זצוק"ל, כאטשיג זיי זענען זיך נישט מכניע וואו אמת'ע חסידים, אבער צוליב די טיפע שנאה און ביטערניש אין ר' אהרן'ען נאכן ווערן גערודפט דרוך זיינע מענטשען במשך די יארן, זענען זיי געלאפן צו ר' זלמן לייב איהם צו הייבן. אויך ר' אברהם לייטנער (א שטארקע קעגנער פון די הנהגה במשך די מיטעלע און סוף נ' יארן) האט דערקלערט אז דער ברך משה האט געהאט א ספעציעלע "סייעתא דשמיא" מיטן אויפנעמען ר' זלמן לייב, אויך האט ער שטארק אראפ געריסן די אהרונים פארן גיין אין ערכאות, א זאך וואס ער האט יא ערלויבט פאר די בני יואל קעגן ר' אהרן, אין די נ' יארן. די חסידים פון ברך משה, וואס זענען היינט די ארונים, צייגן דאס אן אלס זייער גרעסטע באווייז פון היפאקריטיזם מצד די בני יואל, אז זיי מיינען גארנישט קיין פרומקייטן נאר בלויז מאכט און געלט, ווידער די בני יואל און די זאלונים זאגן אז די אומשטענדען זענען נישט געווען די זעלבע.
