Robrecht I van Vloandern
Uit Wikipedia
| ca 1030 - 1093 | ||||||
|---|---|---|---|---|---|---|
 |
||||||
| Groaf van Vloandern | ||||||
|
||||||
| Groaf van Olland | ||||||
|
||||||
|
Robrecht I, bygenoamd den Fries (ca. 1029/32 – Kassel (Frankryk), 13 oktober 1093) was groaf van Vloandern van 1071 tout an z’n dôod.
[bewerkn] Zyn leevn
Je was de twidde zeune van Boudewyn V van Vloandern en Adela van Mêesn.
In 1063 trouwdegt ie mè Geertruida van Saksn, weduwe van groaf Floris I van Olland. Vandoar z’n bynoame den Fries. Z’aan vuuf kinders:
- Robert II van Vloandern
- Adela van Vloandern, getrouwd mè Knud IV van Denemarkn en d’ouders van Karel den Goein
- Gertrudis van Vloandern, getrouwd mè Diederik van Ipper-Lotharingn en d’ouders van Diederik van den Elzas
- Filips van Lo (zyn ounwettige zeune Willem van Yper (of Willem van Lo) was burggroave van Yper en Lo)
- Ogiva, abdis van Mêesn
[bewerkn] Groafschap Vloandern
Z’n oudere broere Boudewyn VI, groaf van Vloanderen en Enegouwn, stierf in 1070 en je wierd ipgevolgd deur z’n oudste zeune Arnulf III, bygenoamd den Oungelukkign, azo genoemd deurdat ’n sneuvelde in de Slag by Kassel (22 februari 1071). Robrecht den Fries, zyn nounkel, was e familieoorloge begost vo ’t groafschap Vloandern, teegn de weeuwe van z’n broere, Richilde van Enegouwn, en eur twi zeuns Arnulf en Boudewyn.
Filips I van Frankryk en Willem den Veroveroare, die keunink van Ingeland gewordn was, stoundn an de kant van Arnulf III. Uuteindelik kreeg Robrecht den Fries toch de steun van de keunink van Frankryk en je liet em erkenn ols groaf van Vloandern. Zyn schôonzuster Richilde en eur zeune Boudewyn ieldn ’t groafschap Enegouwn.
In 1086 vertrok Robrecht de Fries no ’t Illig Land (1086–1089). Je liet ’t regentschap over Vloandern in andn van z’n zeune, de loatern Robrecht II van Jeruzalem. In 1087 gaft ’n militaire ulpe an de Byzantynschn keizer Alexius I teegn de Turkn.
Robrecht I wierd in 1093 ipgevolgd deur z’n zeune Robrecht II.
