Ostende (stad)

Uit Wikipedia

Dit artikel es geschreevn in 't Ostends, en da zou best ozô bluuvn.

Stad Ostende
Oostende
Liggienge in 't arroundissement Ostende in de provinsje West-Vloandern
Woapen	Vlagge

Geografie
Gewest	Vloandern
Provincie	West-Vloandern
Arroundissement	Ostende
Liggienge	{{{nb}}} NB {{{ol}}} OL
Liggienge	51°13′NB 2°54′OL
Ippervlak	37,72 km²
Inweuners (Bron: NIS)
Inweuners – Vintn – Vrouwn – Bevolkiengsdichtheid	68.931 (01/01/2006) 48,07% 51,93% 1827 inw./km²
Leeftydsipbouw 0–17 joar 18–64 joar 65 joar en ouder	(01/01/2004) 16,12% 59,08% 24,80%
Buutnlanders	3,95% (01/07/2005)
Weirklôoseidsgroad	13,23% (01/01/2006)
Polletiek
Burgemêester	Jean Vandecasteele (SP.A)
Coaliesje	CD&V, SP.A, VLD
Zetels SP.a ê Spirit Vlaams Belang VLD CD&V Groen!	39 20 7 6 5 1
Dêelgemêentn me postcode
Postcode	Dêelgemêente
8400 8400 8400	Ostende Stène Zandvoorde
And're info
Zonenummer	059
Poliesjezone	{{{polz}}}
Webadres	www.oostende.be

Ostende is e Belgische stad in de provinsje West-Vloandern. Ze ligt an de Vlamse Kust. Buutn Ostende zelve, zyn der nog e poar deelgemeentn, Stène, Mariakerke, Raversyde en Zandvoorde. Der weunn in 't geheel oast 70.000 menschen. Roend Ostende liggn de gemeentn Middelkerke, Gistel, Oedeburg en Brèènienge. In de Middeleeuwn laag Ostende an den oostkant van e schiereiland, Ter Streep. An de westkant laag Westende en in 't middent laag Middelkerke. De polder achter 't eiland liep allene by springty oender, twèè kèèren per joar. Deur d'inpolderienge kaamt de Ploate an 't vasteland te liggn.

[bewerkn] Verkeer

De stad is e belangryk verkèèrsknooppunt, en et byvoorbeeld nen aavn, e vliegpling en e jachtaavn. De stoasje van Ostende is ook et endpunt van de tring, dus je moe doar ofstappn, oftewel direct were keern, mo je ku wè direct de kusttram pakkn, want dedien stopt ook an de stoasje. Je kut ook de bus pakkn no de banlieue of een va de buutnlynen no Brugge, Gistel, en vele meer.

[bewerkn] Cultuur

Ostende vanuut de lucht gezien

Standbild van Leopold II

Ostende is ook de stad van artiestn gelik Arno, James Ensor, Leon Spilliaert, Constant Permeke, Gustaaf Sorel, Jef van Tuerenhout en Raoul Servais en entertainers gelik Kamagurka, Herr Seele, Gunter Lamoot, Lucy Loes, Preuteleute, ...

En vergit de Paulusfèèstn nie te middn ogustus woar da je veel artiestn uut eign streke kunt zyn uptreedn, vooral Lucy Loes trekt doa assan vele volk aze speelt.

J'et ook e ferme hardcore en punkrockscene, mo das omda Ostendenoars assan al e bitje franker gewist zyn dan aa de reste damme uus doarin ku viendn. Ferm goeie groepn van by uus zyn Death Before Disco, Dedicted, 7 works en Ladbroke.

De stoeten Ostendenoare, rond de joarn 1980-90 en satirisch weekblad moa nu en mysterieuzn actiegroep die ’t gemunt eit ip de monumentn ter êre van keunienk Leopold II in Ostende. Zen int verleden al eki zen and ofgezaagd.

In de deelgemeente Mariakerke ligt 't domein Raversyde.

Et boegbeild van Ostende is De zee va George Grard, het standbeeld voorn het Casino Kursoal, deur de Ostendenoars Dikke Mathille genoemd. In 2005 is't er een discussie gewist of da't standbeeld ip eur oorspronkelikke platse ip de oosthellienge moeste gezet wordn, moar der was zoveel trammelant doarteegn da ze toch moa beslootn en om et te loatn woar dat 't was. Z'en der ook e soorte van bier achter genoemd.

[bewerkn] Toale

De tale van 't Oostens scheelt vele met andere dialecten in 't West-Vlams.

In Ostende (lik up vele plekkn an de kust), gebruukn ze in te plekke van de /êe/ de /èè/. Ze zeggn dus nie me men êen bêen in de zêe, mo me men èèn bèèn in de zèè (klanke lik de êeste i in illetriek, mor e bitje langer), of lik de twidde e in 't Fransche élève.

[bewerkn] Polletiek

De burgemèèster van Ostende is Jean Vandecasteele. Mo in de gemèènteroad zittn der nog bekende gasten, gelik Johan Vande Lanotte, SP.a voorzitter, Geert Lambert, me ze groen brilletje, en nateurlik Jean-Marie Dedecker.