Kamagurka
Uit Wikipedia
Kamagurka (Nieuwpôort, 5 meie 1956), eigentlik Luc Zeebroek, es ne West-Vlamsche cartoonist, standip-komiek, zanger en schildre. Y' es ipgetoogn in Ostende, moa je veruust ol zêre noa Gent, woa dat 'em nu nog oltyd weunt en werkt. Y têkent vorol voe de Humo en ier en doa vo een gazette.
Ie werkt vele tôpe mee Herr Seele, mee wien dat 'em tôpe Cowboy Henk uutgevounden eet. Doarnoast zyn der nog vee andere typekes, gelyk Kamiel Kafka, Bert en Bobje, Raketman,... deur em uutgepeist.
[bewerkn] Duuzndpôot
Kamagurka es't mêest bekend van zyn absurde cartoons in de Humo. Ie wint er ieder joar de prys van beste têkeneire mee in da weekblad. Ie publiceert ôok in andere tydschriftn, zowel in't binnenland als 't buutnland (Olland, Duutsland, Vrankryk, USA,...) Moar doarnoast doe't ie nog vee andre dingn, moar de rôon droad es toch oltyd humor:
- Schildern
- Striptêeknen
- TV-programma's moakn: Lava, Man bijt Hond, woarin da't ie hêel de Belgische grenze ofging mé nen lyntrekker
- Radio-programmas: Studio Kafka ip Studio Brussel
- Stand-up comedie en iptreedns: o.a. Kama Solo, Kamagurkistan, Kamagurka en de Ridders van den Apocalyps, Ontoerekeningsvatbaar en Kamagurka zingt
- Muziek
- Theoater
- Exposities
