Rammstein
Da Wikipedia, ła ençiclopedia libara.
I Rammstein i xe un grupo industrial metal tedesco formà a Berlin intel 1994.
Ła so musica ła xe un smizsioto tra metal, shock rock, gothic rock e ełetronega, i vien speso inserii neła zsena Neue Deutsche Härte insieme a grupi come OOMPH! e Die Krupps.
El tastierista Christian "Doctor Flake" Lorenz el gà descrito in un'intervista el xenere musicałe dei Rammstein come Tanz Metall, propio a sotołineare el conubio tra sonorità metal e ełetroneghe. Fin a oncò i gà venduo çirca 12 miłioni de dischi in tuto 'l mondo.
El nome Ramstein - al quałe a xe stà xontà 'na m par darghe el significato de Ramming stone (leteralmente schisasassi) - xè na base aerea situà in Germania che xe stà luogo de un incidente aereo nel 1988, causà dałe frece tricolori italiane, dove oltre 70 persone le xe morte e circa 1000 ferìe, de cui 347 in modo grave.
Indice |
[modifica] Biografia
[modifica] I inizsi (1993 - 1998)
I Rammstein i xe stà fondà nel 1993 su inisiativa de Richard Kruspe; Richard, che al tenpo el conviveva col basista Oliver Riedel e co el baterista Christoph Schneider, el ga decisto de partesipare al concorso Berlin Senate Metro, e el ga registrà un demo nea so caxa, co quatro piste e na drum machine. A ła voçe xe stà ciamà Till Lindemann, ex canpion de nuoto e amico de Richard, che ałora l' intreçava sestini de vimini in un picoło łaboratorio. El neonà grupo el gà vinto el concorso, chel gavea come premio ła posibiłità de rexistrare un album in studio; nel 1994 i vien così ciamà a conpletar ła formazsion el chitarista Paul Landers e el tastierista Christian Lorenz, inisialmente scètici riguardo el progeto.
Nel marso 1995 ła band ła gà terminà de rexistrare Herzeleid, el primo album, nei Polar Studios de Stocolma, album chel xe stà aconpagnà dai singołi Du riechst so gut e Seemann. Nel 1996 el regista David Lynch, positivamente colpìo dała musica dei sie, el decise de inserir alcune sò cansoni neła colona sonora del film Lost Highway (in Itałia conosùo come Strade perdute). El sesteto todesco el se gà esibìo anca in alcuni conserti in Germania drio conpagnar i Ramones durante el so ùltimo tour "Adios Amigos".
Intanto i Rammstein i scominsia i lavori pal secondo album, Sehnsucht. Sto album el vien preceùo dal fortunà singolo Engel, chel diventarà disco d'oro (250.000 copie vendùe) e ragiungerà el terzso posto in clasifica. L'altro singolo tirà fora da l'album l'è stà el celebre Du hast. El 22 agosto el secondo album deła band l'è stà uficialmente publicà e dopo soło do setimane el ragiunse xà la prima posiszion in clasifica. Carateristica molto particołare del disco xe stà le sie diverse copartine disponibiłi, una par ogni membro deła band. In queła pì conosùa compare Till Lindemann con dei ogeti metalici sui oci che i ghe coerxe la vista. Nel booklet del'album ghe xè anca tra i ringrasiamenti Jurgen Engler, cantante e fondatore del grupo Industrial metal tedesco Die Krupps; parché, dopo aver sentìo la canson Tier, el cantante el gavea avvià na procedura legale, dixendo che la canson fosse un plagio del brano The Dawning Of Doom del so grupo. Engler el gà vinto sucessivamente la causa e l'è sta quindi inserìo nei ringrasziamenti del booklet. Dopo el cantante el gà commentà così l'epilogo della vicenda:
« I feel better about being the originator rather than a follower »
« Ritengo sia meglio essere il creatore piuttosto che un imitatore » (Jurgen Engler)
El 1998 el se gà verto co' un tour primaverile in America, seguìo da uno in Europa. El 22 e el 23 agosto la band la gà sonà al Wuhlheide de Berlin davanti un publico de 17000 spetatori. Sti concerti i xe stà filmà e publicà in un album live, intitolà Live aus Berlin. I Rammstein inoltre i gà partesipà al Family Values Tour (insieme a Korn, Limp Bizkit, Orgy e Ice Cube) e come headliner al anuale Rockstock Festival a Chicago. Intanto Herzeleid e Sehnsucht i continuava a vendare un grande numero de copie, diventando rispetivamente dopio disco de platino e disco de oro.
[modifica] El sucesso (1999 - 2003)
Nel 1999 I Rammstein i gà otenù ła posibiłità de compagnare i Kiss nel so tour drio el Nord e eł Sud America. Nel febraro deł stesso anno i ga ricevù na nomina ai Grammy Awards nea categoria "Best Metal Performance", mentre el 3 aprile i ottenne 'n Echo Award come "Most Successful German Artist Internationally".
El 30 agosto xe vegnù fora el dopio album Live aus Berlin, seguìo nei mesi sucesivi dałe edisioni VHS e DVD. Intanto scominsia łe rexistrasioni del novo album. Nel febraro 2001 la band la partecipa al Big Day Out in Australia, mentre Mutter (questo el titolo del novo disco) venne publicà el 2 aprile. I singoli estrati xe stà Ich will, Sonne, Links 2 3 4, Mutter e Feuer frei!, compagnà dai rełativi videoclip. Durante l'autuno el grupo el gà partecipà al Pledge of Allegiance Tour coi Slipknot, System of a Down, Mudvayne e American Head Charge, mentre in novembre fu publicà un libro fotografico de 160 paxene suła storia del grupo a opera de Gert Hof.
Tra el 2002 e el 2003 el grupo l'è risultà sempre manco ativo, anche par colpa deła salmonela ciapà da Christian Lorenz poche setimane prima deła tapa itałiana al Gods of Metal. Tutavia, alcune dełe so canszoni le xe stà incluse nełe colone sonore de alcuni film (Feuer Frei! in xXx; Halleluja in Resident Evil; Stripped (canzone dei Depeche Mode, ma rexistrà dai Rammstein pal film) in "Matrix" e "Rammstein" in "Lost Highway" de David Lynch), mentre a novembre xe uscìo Messer, libro de poesie scrito da Till Lindemann. Nel dicembre 2003 xe sta anca publicà Lichtspielhaus, secondo DVD fato dała band, coi video de alcune esibiszioni live e vari videoclip.
[modifica] Eventi recenti (2004 - oncò)
Al'iniszio del 2004 i scuminsia le registraszioni del quarto album in studio deła band, Reise, Reise. L'album l'è sta precedùo dał'uscita del singolo Mein Teil e dal so video. I altri singoli publicà i xe stà Amerika, Ohne dich e Keine Lust. Reise, Reise l'è sta publicà el 27 settembre ma, a diferensza del predecesore, el ga otenùo pareri contraddittori: alcuni lo considerava na svolta massa commerçiale, altri 'n album de alto livelo come tuti i altri. Nonostante 'ste critiche l'album el raxunse ugualmente la prima posiszion in clasifica, sia in Europa, sia in America.
In seguito ała publicaszion de Reise, Reise, a partire da febraro del 2005, i Rammstein i parte par un lungo tour in Europa, de cui serti filmati i ghe xe nel DVD Völkerball (uscìo el 17 novembre 2006). L'unica tappa italiana la xe sta al Fila Forum di Assago (in provincia de Milano) el 24 febraro 2005 e el ga fato el tuto esaurìo. Le canszoni scartà per mancanza de spaszio (i Rammstein i pubblica sempre 11 canszoni a incision) le xe sta successivamente racolte nel Rosenrot, disco dove el grupo el sperimenta un sound pì cupo rispeto ai lavori prima. Rosenrot el ragiunse la prima posiszion in Austria, oltre ała çertificasion de tri dischi d'oro e uno de platino e argento.
El 21 maggio 2007, co un comunicà dal sito uficiale, i Rammstein i dichiara de essere al lavoro pa' un novo album, in probabile uscita nel 2008. Nel luglio 2007 gà circolà in rete ła voçe che Till gavaria molà i Rammstein e che sarìa stà sostituìo da En Esch, ex cantante dei KMFDM: la notizia xera però del tuto infondatà. A smentire la notiszia xe stà el stesso En Esch e el chitarista Richard Kruspe, che el ga smentìo la roba, dichiarando che "ogni membro del grupo lo ga sempre sostenùo, se uno el va via i Rammstein i se scioglie, nessuno el vignarà mai rimpiaszà".
