Alvise Pisani
Da Wikipedia, ła ençiclopedia libara.
Alvise Pisani (Venezsia, 1 de genaro 1664 – Venezsia, 17 de giugno 1741) el xe stà un doge venezsian.
Fioło de Gianfrancesco e Paolina Contarini, el xe sta el zsentoquatordexeximo doxe deła Republica de Venezsia dal 17 de genaro 1735 ała morte. Come tutti i doxi del Setezsento venezsian, Pisani el ga pensà pì a curar ł'ałestimento de feste e a organizsare soło ł'ordinaria aministrazsion, senzsa incontrare problemi de ordine internazsional.
[modifica] Vita
Omo sior anca se acuxà d'esar spiłorcio (a torto viste łe grandioxe spexe che el ga afrontà de scarsea soa durante el so dogado), el ga zsercà senpre d'imitar ło stiłe dei re pur senzsa mai 'rivarghe, tanto da esar ciamà “prinzsipe poareto”. Anbasador in Franzsa, Austria e Spagna, el xe sta pì volte savio e consijer dogałe. El se ga candidà 'ntel 1722 e 'ntel 1732, 'ntel 1735 el xe sta fu l'unico candidado e el ga spexo cusì tanto par coronpare i posibiłi 41 ełetori che el xe sta ełeto a ł'unanimità. Era sposato con Elena Badoer.
[modifica] Dogado
Ełeto el 17 de genaro 1735, el xe 'ndà subito a star a Palazso Ducal portandose drio tuta ła fameja.
A partir dal 1736, grazsie a ł'introduzsion de novi tipi de navi, dite navi "atte", con equipajo ridoto e pareci canoni come difexa, ł'economia ła xe mijorà decixamente dopo łe dure crixi del 1733 e 1734. 'Ntel majo 1741 a se gera decixo de darghe qualche mexe de ripoxo inte 'na villa in teraferma e, proprio mentre el doxe el stava par montar in gondoła par 'ndar via, el se ga sentìo mal e el ga dovesto esar riportà a palazso. El xe morto el 17 de giugno 1741.
| Precedente | Successivo | |
| Carlo Ruzzini | 1735-1741 | Pietro Grimani |
