Las Bòrdas d'Arisa

Un article de Wikipèdia, l'enciclopèdia liura.

Las Bòrdas d'Arisa (en francés Les Bordes-sur-Arize) es una comuna d'Occitània, en Lengadòc, al País de Fois. Oficialament es una comuna francesa, situada dins lo departament d'Arièja e la region de Miègjorn-Pirenèus. Sos abitants son los Bordesencs.

Somari 1 Geografia 2 Istòria 3 Administracion 4 Demografia 5 Luòcs e monuments 6 Personalitats 7 Vejatz tanben 8 Ligams exteriors

[Modificar] Geografia

Lo territòri de la comuna qu'es dins la val bassa d'Arisa e que s'espandís al nòrd e al miègjorn d'aquel riu. Las comunas vesinas son Lo Mas d'Asilh a miègjorn, Savarat a l'èst, Lo Carlar Baile e Casteràs al nòrd, Campanha d'Arisa a l'oèst. Sus la riba esquèrra d'Arisa, a miègjorn, son lo vièlh vilatge de Las Bòrdas, los masatges de L'Agremonal e dels Borrets e mai la cresta de la Caira que perlonga la cadena del Plantaurèl. Sus la riba dreita, al nòrd, son la part la mai novèla del vilatge de Las Bòrdas, los masatges de Rebalhon, de Las Manses, l'ancian monestièr de Las Salencas et las costièras del Tèrrafòrt.

[Modificar] Istòria

A l'Edat Mejana, Las Bòrdas fan part del Comtat de Fois e de la castelaniá de Camarada. Los dos senhors son lo comte de Fois e lo seu cosin de Fois-Rabat. La ciutat es regida par quatre cònsols elegits per la populacion. En 1574, Las Bòrdas venon protestantas, dotze ans après las ciutats vesinas del Mas d'Asilh, del Carlar e de Savarat. Es a aquesta ocasion qu'es pilhat lo monestièr de las Salencas e las sevas religiosas fòrabandidas. En 1626, la ciutat es cremada quand i passan las tropas del rei que venon assetjar Lo Mas d'Asilh

[Modificar] Administracion

Lista dels cònsols

Periòde	Nom	Partit	Qualitat
març de 1971	Estève de Saint Blanquat
març de 1977	Leon Loubet
març de 1983	Leon Loubet
març de 1989	Leon Loubet
març de 1995	Leon Loubet
març de 2001	Léon Loubet
Las donadas d'abans son pas encara conegudas.

[Modificar] Demografia

Evolucion demografica

1962	1968	1975	1982	1990	1999
358	406	378	386	446	513
Nombre retengut a partir de 1962 : Population sens comptes dobles

[Modificar] Luòcs e monuments

Vièlh vilatge de Las Bòrdas amb la seva façana sus Arisa, glèisa catolica Sant Jacme, temple protestant (bastit abans la Revolucion), castèls de Las Salencas, de Maravelha, de Linhí.

[Modificar] Personalitats

Lo pastor, poèta e istorian Napoleon Peirat.

[Modificar] Vejatz tanben

• Comunas d'Arièja

[Modificar] Ligams exteriors

• Las Bòrdas d'Arisa sul sit de l'Institut Geografic Nacional
• Las Bòrdas d'Arisa sul sit de l'Insee
• Las Bòrdas d'Arisa sul sit del Quid
• Comunas mai pròchas de Las Bòrdas d'Arisa
• Localizacion de Las Bòrdas d'Arisa sus una mapa de França
• Plan de Las Bòrdas d'Arisa sus Mapquest