Vasskilje

Frå Wikipedia – det frie oppslagsverket

Dei største europeiske vasskilja (raude linjer) som skil dei forskjellige nedslagsfelta (grå område).

Eit vasskilje er ei grense mellom to nedslagsfelt. I eit ås- eller fjellandskap ligg skilje på toppane og ryggane av fjella og åsane, men i flate område eller på høge platå (særleg i myrlendte område) kan skilje vere usynleg.

Vasskilje er viktige geografiske, og ofte òg politiske grenser. Vegar og jernbanelinjer følgjer ofte desse skilja for å minimere stigningsgraden og behovet for bruer.

[endre] Typar vasskilje

Vasskilje kan delast inn i tre typar:

• Kontinentalt vasskilje — eit skilje der vatnet på kvar side renn ut i forskjellige storhav (t.d. skilje mellom Nilen og Kongoelva, trippelskiljet i Lunghinpasset)
• Store vasskilje — Vatnet på kva side av skilje møter ikkje kvarandre igjen, men renn ut i same hav (t.d. skilje mellom Huang He og Chang Jiang)
• Små vasskilje — Vatnet på kvar side av vasskiljet møter kvarandre igjen ved at elvane renn i hop (t.d. Mississippielva og Missourielva)

Vasskilje er eit hinder for elvefart. I førindustriell tid vart vasskilja kryssa ved at ein bar båtane over land ved visse stader . Seinare vart det bygd kanalar for å binde saman tilstøtande nedslagsfelt.

[endre] Kjelder