Lakonía

Frå Wikipedia – det frie oppslagsverket

Lakonia Νομός Λακωνίας
Periferiar	Peloponnes
Hovudstad	Sparta
Folketal	100 871 (2005) Rangering 37.
Areal	3 636 km²
Folketettleik	28/km²
Provinsar	4
Demer	20
Kommunar	2
Postnummer	23x xx
Retningsnummer	273x0
Bilnummer	AK
Heimeside	www.lakonia.gr

Lakonia (gresk Λακωνία) er eit prefektur i Hellas i periferien Peloponnes. Hovudstaden i prefekturet er Sparta. Dei største byane er Amyklae, Areopolis, Gytheion, Molaoi, Monemvasia, Mystras, Neapoli og Sellasia. Her ligg Kapp Malea, Kapp Tainaron og ein stor del av Manihalvøya.

Vest for Taygetosfjella ligg Messenia, nord for Parnonfjella ligg Arkadia, Myrtinohavet ligg i aust og Lakoniabukta og Middelhavet i sør. Øyane Kythera og Antikythera ligg i sør, men dei hører administrativt til prefekturet Pireus.

Innhaldsliste 1 Geografi 2 Klima 3 Provinsar 4 Demer og kommunar 5 Historie 6 Bakgrunnsstoff 7 Kjelde

[endre] Geografi

Evrotas er den lengste elva i prefekturet. Evrotasdalen er hovudsakleg eit jordbruksområde, med mange sitrus- og olivenlundar, enger og mest av alt appelsiner.

Taygetos på 2 407 moh, kjend som Pentadaktylos (fem fingrar) gjennom mellomalderen, ligg vest for Sparta og Evrotasdalen. Det er det høgaste fjellet i Lakonia og på Peloponnes. Det andre store fjellet er Parnon på 1 961 moh og ligg i aust.

Den kjende stalaktittgrotta Dirou ligg i sørvest, sør for Areopolis, og er ein stor turistattraksjon.

[endre] Klima

Området har varme somrar og milde vintrar, men i fjella, og særleg på Taygetos, er det vanleg med snø om vinteren.

[endre] Provinsar

• Epidavros Limiras provins - Molai
• Gytheio provins - Gytheio
• Lakedaemonia provins - Sparta
• Oitylo provins - Areopili

[endre] Demer og kommunar

Deme	YPES-kode	Sete (om forskjellig)	Postnummer
Asopos	3202	Papadianika	230 56
East Mani	3201	Kotronas	230 66
Elos	3207	Vlakhiotis	230 55
Faris	3222	Xirokampi	230 54
Geronthres	3204	Geraki	230 58
Gytheio	3205		232 00
Krokees	3211		230 57
Molaoi	3212		230 52
Monemvassia	3213		230 70
Mystras	3214	Magoula	231 00
Niata	3215	Agios Dimitrios	230 60
Oinountas	3216	Sellasia	230 64
Oitylo	3217	Areopoli	230 62
Pellana	3218	Kastoreio	230 59
Skala	3219		230 51
Smynos	3220	Agios Nikolaos	230 61
Sparta	3221		231 00
Therapnes	3209	Gkoritsa	231 00
Voies	3203	Neapoli	230 53
Zarakas	3208	Reikhea	230 68
Kommune	YPES-kode	Sete (om forskjellig)	Postnummer
Elafonisos	3206		230 53
Karyes	3210		230 67

[endre] Historie

I antikken utgjorde området store delar av staten Sparta. Lakonia var i krig med Kongedømet Makedonia og hadde mange slag mot dei. Etter kvart vart dei derimot ein del av Romarriket, og i mellomalderen ein del av Austromarriket. Etter krosstoga låg despotatet Morea her. Lakonia vart så ein del av Det osmanske riket, men Manihalvøya var i praksis sjølvstyrt. Lakonia vart frigjort etter den greske sjølvstendekrigen i 1821 og Sparta vart vald som hovudstad i det nye prefekturet. Økonomien og jordbruket blømde gjennom 1800-talet. Etter den andre verdskrigen og den greske borgarkrigen byrja folketalet å gå noko nedover, då folk flytta frå landsbyane til større greske byar lenger nord eller til utlandet.

[endre] Bakgrunnsstoff

• http://lakonia.net
• Bilete av Lakonia
• Kart over Laconia
• Bilete av Mani Laconia

Koordinatar: 37°00′N 22°35′E

[endre] Kjelde