Kalvåg
Frå Wikipedia – det frie oppslagsverket
| Plassering | ||
|---|---|---|
  Kalvåg
|
||
| Bremanger i Sogn og Fjordane | ||
| Geografi |
|
|
| Folketal[1] | 352 (2008) | |
| Folketettleik | 858,5 /km² | |
| Areal[1] | 0,41 km² | |
| Koordinatar | Koordinatar: | |
| Annan informasjon | ||
| Postnummer | 6729 KALVÅG | |
| Preposisjon | i Kalvåg | |
 Foto:Hans Petter Farstad |
||
Kalvåg er ein tettstad i Bremanger. Bygda ligg ytst i havgapet på øya Frøya. Fram til 1964 var Kalvåg kommunesenter i Bremanger kommune. Det bur om lag 350 innbyggjarar i Kalvåg og 570 på heile Frøya. I dag har Kalvåg eit eineståande og gammalt sjøhusmiljø som går for å vere det største og best bevarte sjøhusmiljøet i fylket. Mange av dei gamle sjøhusa er restaurerte for overnatting. Hamna er god, med store offentlege kaianlegg og gjestehamn med flytebrygger utanfor Knutholmen.
Innhaldsliste |
[endre] Historie
På 1860-talet var Kalvåg kanskje det største fiskeværet på kysten, med eit folketal på oppimot 11 000 menneske under fiskesesongen. I 1871 var det 52 salteri i Kalvåg og bygda hadde losjihus, forretningar, handelsverksemd, sjukehus, lege, bedehus, kyrkje, lensmannsgard og skulehus. Fiskeri har vore hovudnæringa i Kalvåg, og på 1980-talet etablerte Domstein AS seg på Kalvøyna og er no den nest største private arbeidsgjevaren i kommunen. I 1921 vart det utarbeidd eit reguleringskart for Kalvåg og dette vart utgangspunktet for ein estetisk plan som ein del av Kalvågprosjektet. L/L Kalvåg Vassverk vart etablert av Kalvåg byggekommune i 1944.
[endre] Nyare hendinger i Kalvåg
I 2005 heldt Forbundet Kysten sitt landstemne i Kalvåg. 600 båtar og 10 000 besøkande vitja bygda. Kalvåg har og vore gjestehamn for nokre av seilskutene i Tall Ship Race forrige gong dei vitja kysten av Sogn og Fjordane. Kvart år vert det arrangert Kystkulturfestival i Kalvåg og Sommerakademiet er og ein kulturtradisjon i Kalvåg.
[endre] Kjende personar frå Kalvåg
- Heidi Grande Røys – minister i Stoltenbergregjeringa.
- Nikolai Astrup blei født på prestegarden Kalvåg i Bremanger 30. august 1880, men frå han var tre år gamal voks han opp på prestegarden på Ålhus i Jølster, der faren var sokneprest.
- Ole Johan Grønskag – Forfattar.
- Yngve Frøyen – Forfattar
[endre] Lenkjer ut
[endre] Kjelder
[endre] Fotnotar
- ↑ 1,0 1,1 Statistisk sentralbyrå Folkemengd og areal, 1. januar 2008.
Denne Sogn og Fjordaneartikkelen som har med geografi å gjera er ei spire. Du kan hjelpe Nynorsk Wikipedia gjennom å utvide han.
