Hinnøya

Frå Wikipedia – det frie oppslagsverket

Hinnøya Lokalt namn: Iinnasuolu
Sigerfjord, ein tettstad på vestsida av Hinnøya
Geografi

Stad	Nord-Noreg
Koordinatar	68°32′N 15°50′EKoordinatar: 68°32′N 15°50′E
Øygruppe	Vesterålen
Areal	2204,7^[1] km²
Høgaste punkt	Møysalen (1262 moh)
Administrasjon
Land	Noreg
Fylke	Troms, Nordland
Største busetnad	Harstad (23 108 innb.)
Demografi
Folketal	31 851 (2006)
Folketettleik	14,4 /km²

Hinnøya (samisk Iinnasuolu) er den største øya i Noreg (2204,7 km², av det 1410,7 km² i Nordland og 1218,5 km² i Troms) utanom Svalbard, og er delt mellom kommunane Andøy, Hadsel, Lødingen, Sortland, Tjeldsund og Vågan i Nordland, og Harstad og Kvæfjord i Troms.

Byen Harstad og tettstadane Lødingen, Borkenes og Sigerfjord ligg på øya.

Søraust på Hinnøya, nord for Lødingen; i april 2006.

Hinnøya har mange fjordar og består hovudsakleg av kuperte og fjellendt terreng. Særleg gjeld dette den sørlege delen av øya der Møysalen nasjonalpark ligg, inkludert det høgaste fjellet på øya, Møysalen med 1262 meter over havet. Det beste jordbruksområdet ligg i nordaust i kommunane Harstad og Kvæfjord. Dei største fjordane på øya er Øksfjorden og Gullesfjorden, som nesten deler øya i to. Ho grenser òg til dei store fjordane Andfjorden i nord, Vågsfjorden i nordaust og Vestfjorden i sør.

[endre] Vegsamband

Hinnøya er knytt til fastlandet med Tjeldsund bru (1005 m) som strekkjer seg over Tjeldsundet langs etter Kong Olavs vei. Hinnøya er også knytt til Langøya med Sortlandsbrua og til Andøya med Andøybrua. Lofast, det ferjefrie vegsambandet til Lofoten, vart offisielt opna 1. desember 2007. Sambandet er ein del av E10 som går svært nær Møysalen nasjonalpark.