Grimstad

Frå Wikipedia – det frie oppslagsverket

**Grimstad**
Våpen	Kart

Grunnleggjande opplysningar
Kommunenr:	0904
Fylke:	Aust-Agder
Administrasjonssenter:	Grimstad
Flatevidd:	303 km²
Folketal:	19 809 (2008)
Politikk
Ordførar (2007-2011):	Hans Antonsen (V)
Målform:	Bokmål
Nettstad:	www.grimstad.kommune.no

Grimstad er ein kystkommune i Aust-Agder fylke. Kommunen grensar til Arendal i aust, Froland og Birkenes i nord og Lillesand i vest. Grimstad fekk bystatus i 1816. I 1971 vart dei tidlegare kommunane Landvik og Fjære slengne saman med Grimstad.

Byen er kjend for sin vene skjergard og for sitt unike teater i eit steinbrot i Fjæreheia. Teateret vert drive av Agder teater og vart opna i 1993. Her er over 1000 sitjeplassar.

I 1953 vart den fyrste plastbåten i Noreg produsert og sjøsett av Herbert Waarum (plastbåten sin far). Seinare kom firmaet Herwa plast i Grimstad.

I 2002 vart mikrobryggeriet Nøgne Ø stifta, bryggeriet har motteke ei rad prisar for sitt øl.

Grimstad er òg kjend for at forfattaren Roald Dahl budde her delar av somrane han var i Noreg. Han budde då på Strand hotell på Fevik aust i kommunen.

Avisa i byen heiter Grimstad Adressetidende og kjem ut tre gonger i veka.

[endre] Tettstader

Arendal (67 av dei 31 182 som bur i tettstaden Arendal bur i Grimstad kommune, resten bur i Arendal kommune.)
Fevik
Grimstad
Jortveit
Rygene (9 av dei 648 som bur i tettstaden Rygene bur i Grimstad kommune, resten bur i Arendal kommune.)

[endre] Kjende personar med tilknytting til Grimstad

Thor Hushovd, syklist
Dag Otto Lauritzen, tidlegare syklist
Henrik Ibsen, forfattar. Ibsen budde i Grimstad frå 1844 til 50 som apotekarlærling. Han flytta vidare til Oslo for å studera. Ibsenhuset museum (opna i 1909) var bustad frå 1847.
Knut Hamsun, forfattar, budde på garden Nørholm frå 1918 til 1952. Han fekk Nobelprisen i litteratur i 1920.