Намбарын Энхбаяр

Чөлөөт нэвтэрхий толь, Википедиагаас

Намбарын Энхбаяр нь Монголын улс төрч, Монгол Улсын гурав дахь ерөнхийлөгч юм.

Н.Энхбаяр нь 1958 оны зургадугаар сарын 1-нд Улаанбаатар хотод төрсөн. Эхнэр, 4 хүүхэдтэй. Москва хотноо Утга-зохиолын дээд сургуулийг дүүргэсэн. Их Британийн Лийдсийн их сургуульд суралцаж байсан. Утга-зохиолын ажилтан, уран зохиолын орчуулагч мэргэжилтэй. Орос, англи хэлтэй.

Н.Энхбаяр 1980-1990 онд Монголын орчуулагчдын эвлэлд, 1990-1992 онд Соёл урлагийн хөгжлийн хорооны тэргүүн дэд дарга, 1992-1996 онд Засгийн газрын гишүүн, Соёлын сайдаар ажилласан. 1992, 1997, 2000, 2004 онуудад УИХ-ын гишүүнээр 4 удаа сонгогдсон. Тэрээр 1985 онд МАХН-ын гишүүнээр элссэн бөгөөд 1996 оноос МАХН-ын ерөнхий нарийн бичгийн даргаар ажиллаж байгаад 1997-2005 онд МАХН-ын даргаар сонгогдон ажиллажээ. 1997-2000 онд УИХ дахь МАХН-ын бүлгийн ахлагч байсан.

2000-2004 онд Монгол Улсын Ерөнхий сайд, 2004-2005 онд Улсын Их Хурлын даргаар ажилласан бөгөөд 2005 оноос Монгол Улсын Ерөнхийлөгчөөр сонгогдон ажиллаж байна.