Девятаев
Википедиесь-ста
Девятаев, Михаил Петрович, (8 июльков 1917 к. - 24 ноябрьков 2002 к.) - менелень ушмовийть тюремань менельвенеж вятись, содаф сонь нацихнень йерманиять концетрациень лагерьста Узедом цёнгаста аф кемави ворьгодемать инкса.
[петнемс] Эряфоц эди тюремань пингоц
Шачсь Мокша масторса, Торбееваса. Михаил кемголмуваце шабаксоль мокшень сокай-видиень тъналса. Аделась ляень венежвятемань тонафнемваста Казаньца 1938 кизоня School of River Navigation (Речной Техникум) покась венежоцюнякс Рав ланга. Сивотьфоль Якстерь ушмав 1939 кизоня, тюресь Суоминь тюрембингса, ушедсь тонафнемац Чкаловть лиемань тонафнемваста Оренбурса, кона аделась 1940 кизоня ди арась тюремань менельвенеж вятикс.
Тюрембингть ушетксса сон прафтсь сонь васенце "юнкерс" (Ju-87) 24 июньковста 1941 кизоня, 2 шит ёт Германия вьргятсь Советонь сотксть лангс эди сонь казьфоль Якстерь Содафкс орденца.
[петнемс] Сявомась ди ворьгодемась
Менельтюремаса 13 июльковста 1944 Михаил Девятаевть менельвенежть крьвязсь и теенза савсь валгомс Германиянь кядяла аймакса Львов ошть маласа ди сонцьке повсь сявомас. Абверть кизефнемада меле Михал Девятаев ётафтфоль Лодзь лагерьс, коста сон ворьгодсь интай кундаф эди ётафтфоль Заксенхаузен лагерьс. Заксенхаузенда меле ульсь лагерьсь Узедом цёнгаса салава менельвенежень валгомвастоль Пеенемюнде коса аделакшнесть од германиянь тюрембяльсь: ракетт Фау-2.
8 февральковста 1945 кизоня Михаил Девятаев ворьгодсь цёнгаста 10 ялгасна мархта од "Хейнкель-111" (Heinkel He 111/He 111 H22 bomber) менельвенежса. Германиянь венелень ушмовийсь изь кенере кундамс ворьгодихнень. Менельвенежть листь фронтть китькс онь туркс эди валгсь Советонь соткссть ширесонза. Ворьгодихне пачфтсть Якстерь ушмоть кошардомвийти инерявикс стратегияв кулят Узедом цёнгать ракет тюрембяльхнень колга, V-1нь эди V-2нь башка. Сянь инкса Адольф Гитлерсь Михаил Девятаевть лувсь эсь ваймонь душманокс
Михаил Девятаевть ульсь муворкс лувовикс 10 кизот. Муворшиц сонь и сонь ялгаснон лангста валхтсть 15 августковста 1957 кизоня ди Михаил Девятаевсь казьфоль Советонь Соткссонц геройть лемса эди сонь ялгасна казьфольхть орденса.
Михаил Девятаевсь казьфоль Зирня Тяште орденца, Ленинть орденца, Ленина, кафта Якстерь Содафкссь орденца, Шачемамасторонь торпингть орденца I ди II, лама медальса. Сон Мордовиянь, Казань ошть, Вольгаст ошень эди Цинович ошень (Германияса) луви ошэряель. Германияса ули сонь и сонь ялгаснон мялямгевсь. Девятаевонь мялямгевонза ули Узедом цёнгаска ди Казань ошса.
[петнемс] Кучфтемат
- Азондомбялькс рузонь Википедияса
- Рузоннеса: Михаил Девятаев "Полёт к Солнцу(Лиема шить шири)", Моску, ДОСААФ, 1972 к. [1]
- Рузоннеса: Михаил Девятаев "Побег из ада (Ворьгодема адста)", Казань ош, 1988.
