Groninge (stad)

Van Wikipedia

Dit artikel is in mierder Limburgse dialekte gesjreve. Perbeer estebleef waal mer ei dialek per alinea aan te hauwe.

---

De stad Groninge (Nederlands Groningen, Nedersaksisch Grönnen) is de hoofstad vaan de gelieknaomege provincie. 't Oppervlak vaan de gemeinte is 82,52 km²; op 1 januari 2005 woende hei 180.848 lui. 't Is daomèt de zevende stad vaan Nederland en wiedoet de groetste vaan Noord-Nederland. In Groninge en Noord-Drenthe weurt de stad sumpel-eweg es stad geneump. De stad is de einege vaan 't Noorde mèt universiteit.

[bewirk] Historie

Groninge oontstoont in de vreug middeliewe op de noordpunt vaan de Hoondsrögk. In de dertiende iew waor 't al zoe groet tot 't op eige gelegeheid (dao waore gein landhiere veur 't stadsrechte te geve) walmör bojde en 't tot de Hanze touwtraoj.

Al tiedens d'n Tachtegjaoregen Oorlog, in 1614, kraog 't zien universiteit. In 1672, 't Rampjaor, woort de stad laankdeureg belegerd, zoonder succes. Nog eder jaor weurt op 28 augustus Gronings oontzet geveerd. In Groninge is dit 'ne fiesdaag.

In de achtiende en negentiende iew bleef de stad bleuje en ontwikkelde ze 'n groeëte sókkerindustrie. De sjtad kreeg 'n centrumpositie veur de umligkende Ommelanden. Groninge waor och 't centrum van de noordelijke sjeepvaart: sjeper vanoet Hamburg en Bremen kaomen via de Dollard nao Groninge om verder te vare nao Leeuwarde of durch de Zuiderzee nao Amsterdam.

In de twintigste iew ging de ontwikkeling van de sjtad verder, mer 't omligkende gebied verermde en luu trokke weg, onger angere nao de sjtad mer neet oetsjluutend. Och werd de universiteit sjteeds belangrieker: aangezeen Groninge de enige universiteit haet in de wieje umtrik, trokke väöl jong luu nao de sjtad. De sjtudente ginge in groeëte mate de sjtad bepale, zeker wie de sjtudentepartie Student en Stad in 1994 in de gemeinteroad kaom en dao neet mieë weg is te dinke. Op de 300.000 Stadjers (Greuningers) zunt 40.000 sjtudente en väöl blieve ouch nog nao hun sjtudie in de sjtad.

[bewirk] Zösterstei

• Graz in Oosteriek
• Jabalya in Palestina
• Kaliningrad in Rösland
• Katowice in Pole
• Murmansk in Rösland
• Newcastle-upon-Tyne in 't Vereineg Keuninkriek
• Odense in Daenemark
• Oldenburg in Pruses
• San Carlos in Nicaragua
• Tallinn in Esland
• Tianjin in Sjina
• Zlin in Tsjechië

[bewirk] Extern linke

• Officieel site vaan de gemeinte
• Homepage vaan de RUG (Rieksuniversiteit Groninge)

Gemeintes Provincie Groninge
Appingedam | Bedum | Bellingwedde | Delfzijl | Eemsmond | Groninge | Grootegast | Haren | Hoogezand-Sappemeer | Leek | Loppersum | De Marne | Marum | Menterwolde | Pekela | Reiderland | Scheemda | Slochteren | Stadskanaal | Ten Boer | Veendam | Vlagtwedde | Winschoten | Winsum | Zuidhorn