1933

E Vicipaedia

Haec est de anno, ut de numero legas, vide 1933 (numerus). Pro explicatione regulae nostrae de usu numerorum Romanorum, vide indicem numerorum Romanorum, numerum MCMXXXIII.

Millennia:	millennium 1 · millennium 2 · millennium 3
Saecula:	saeculum 19 · saeculum 20 · saeculum 21
Decennia:	decennium 193 · decennium 194 · decennium 195
Anni:	(1930) · 1931 · 1932 · 1933 · 1934 · 1935 · 1936 · 1937 · 1938 · 1939 · 1940 · (1941)

Annus 1933

[recensere] Eventa

28 Ianuarii - Paulus de Hindenburg praeses rei publicae Germanicae cancellarium Curtium de Schleicher dimisit.
30 Ianuarii - Paulus de Hindenburg Adolphum Hitler cancellarium imperii Germanici fecit.
1 Februarii - Hindenburg precibus Hitleri parlamentum Germanicum dissolvit.
27 Februarii - Aedes parlamenti Germanici (lingua theodisca: "Reichstag") flammis absumptae sunt. Quis incendium paravisset, nondum notum erat. Sed factio Adolphi Hitler communistos accusavit et libertates civium abolevit.
4 Martii - Franklinus D. Roosevelt (natus 30 Ianuarii 1882) novus praeses Civitatium Foederatarum Americae, magistratum iniit.
5 Martii - In Germania novum parlamentum electum est. Factio Adolphi Hitler fortissima erat, sed non maioritatem adepta est, quamquam terrore omnia temptaverat, ut factiones ceteras impediret.
23 Martii - Parlamentum Adolpho Hitler lege extraordinaria (Theodisce: "Ermaechtigungsgesetz") potestatem totam mandavit, ut Germaniam ut dictator regeret.
1 Aprilis - magistratus Germanici a civibus petiverunt, ne eo die negotiis Iudaicis emerent. Nonnullis locis emptores vi prohibiti sunt.
7 Aprilis - Hitler legem tulit, ne quis Iudaicus magistratus Theodiscus esse posset, quae lex multis hominibus magnam iniuriam attulit.
5 Maii - Germania et Unio Sovietica foedus amicitiae anno 1926 decreta prolongaverunt.
10 Maii - In Germania libri eorum auctorum, qui dictaturae non faverent aut qui antiquis temporibus pro libertate pugnaverant, flammis absumpti sunt. Eodem die praeses Paraguaiae Boliviae bellum indicavit.

Ambo res publicae iam diu de regionibus ad fines sitis pugnabant.

12 Iunii - Londinio concilium mundiale de rebus oeconomicis coepit.
22 Iunii - Socialis Democratica Factio Germaniae prohibita est.
14 Iulii - Postquam omnes factiones praeter factio nazista prohibitae aut sublatae sunt, Adolphus Hitler legem promulgavit, ne qua nova factio conderetur.