Star Wars

Na Galipedia, a wikipedia en galego.

Cine en progreso: Este artigo relacionado co cinema é, polo de agora, só un bosquexo. Traballa nel e contribúe a que a Galipedia mellore e medre.

Imaxe:X-Wing.jpg

Reprodución dunha nave X-Wing do filme

Star Wars (A Guerra das Galaxias) é unha serie de seis filmes de ciencia ficción creada polo productor, director e guionista norteamericano George Lucas, tralo éxito de American Graffiti. A serie comezou en 1977 con Star Wars Episodio IV: Unha Nova Esperanza, e dende entón converteuse nun fenómeno social e cultural, do que se crearon novelas, historias en banda deseñada, videoxogos... Isto permitiu a Lucas amplia-la historia con dous episodios máis: O Imperio Contraataca e O Retorno do Jedi, que continuarían o gran éxito da primeira. Vinte anos máis tarde, George Lucas comezaría a traballar nunha nova triloxía que narraría a historia inicial vinte anos antes do que acontece no episodio IV, desvelando a orixe de tódolos personaxes e da trama. Asi, a nova triloxía consta dos Episodios I, II e III: A Ameaza Pantasma, O Ataque dos Clons e A Vinganza dos Sith, que resultarían un novo éxito comercial, pero un fracaso rotundo na crítica que fixo que o propio Lucas se retirase da dirección de novas películas da saga.

[editar] Trama

A historia comeza cun evocador Fai moito tempo, nunha galaxia moi lonxe... e narra, se seguimos a orde dos episodios, a historia dunha grande república galáctica en crise, na que os Jedi, gardiáns do ben e da xustiza, e os Sith, donos do lado escura da forza e conspiradores contra a democracia, enfróntanse polo dominio da galaxia. Dun xeito casual, os jedis atopan a un neno chamado Anakin Skywalker que concentra unha extraordinaria forza. O neno é adestrado polos jedis e, cando chega a maior, namórase da bela senadora Padmé Amidala. O seu amor prohibido fai que o xoven Skywalker, no seu medo a perdela, se adentre no lado escuro da forza axudado polo corrupto líder do senado e lord sith Palpatine. Cando estes controlan o senado e instauran un autoritario Imperio, comezaría un aniquilamento de tódolos jedi. Nun espectacular enfrontamento nun planeta volcánico, o antigo adestrador de Skywalker, Obi-Wan Kenobi, bate ó novo sith, deixando a éste abrasado pola lava, o que lle deixaría enormes secuelas físicas. Rehabilitado por Palpatine, o rebautizado Skywalker, agora Darth Vader, adquire un aspecto tétrico a través dunha traxe negra e dunha emblemática máscara.

A acción avanza vinte anos cando unha pequena forza rebelde, liderada pola princesa Leia, faise cos planos da maior arma do malvado imperio, a estrela da morte. A partires de aquí comezaría unha loita que implicaría ó xoven Luke Skywalker, o descoñecido e oculto fillo de Darth Vader. A través do tamén mestre de Vader, Obi-Wan Kenobi, e do contrabandista Han Solo, Luke comezaría unha viaxe que lle alzaría como líder da rebelión. Pero cando coñece a realidade do seu pai e da súa irmá segreda, a princesa Leia, Luke comezaría unha loita persoal por salvar-la galaxia e, á vez, ó seu pai. Finalmente, a rebelión alzaríase coa victoria e Vader acadaría a súa redención matando ó seu mestre, o emperador Palpatine, para salvar ó seu fillo co que a galaxia recuperaría paz e a xustiza coa extinción dos sith e a victoria dos jedi.

[editar] Filmes

Star Wars Episode I: The Phantom Menace (1999)
Star Wars Episode II: Attack of the Clones (2002)
Star Wars Episode III: Revenge of the Sith (2005)
Star Wars Episode IV: A New Hope (1977)
Star Wars Episode V: The Empire Strikes Back (1980)
Star Wars Episode VI: Return of the Jedi (1983)

[editar] Personaxes

Anakin Skywalker
Boba Fett
C-3PO
Chewbacca
Comandante Cody
Conde Dooku
Darth Bane
Darth Maul
Darth Sidious
Darth Vader
Grievous
Han Solo
Jabba o Hutt
Jango Fett
Jar Jar Binks
Kit Fisto
Lando Calrissian
Luke Skywalker
Mace Windu
Xeneral Veers
Moff Tarkin
Nute Gunray
Tío Owen e Tía Beru
Obi-Wan Kenobi
Ozzel
Padmé Amidala
O Emperador
Piett
Leia Organa
Qui-Gon Jinn
R2-D2
Yoda

[editar] Videoxogos

Artigo principal: Videoxogos de Star Wars.

Os videoxogos de Star Wars son moi numerosos xa dende a aparición das primeiras videoconsolas. Os videoxogos son variados, habendo dende arcades ata xogos de rol, pasando por arcades de carreiras ou xogos de estratexia, producidos en gran parte polo propia compañía de videoxogos LucasArts.