Tahu
Dendi Güiquipeya
|
||
| • Paísis | España i Purtugal | |
| • Longol | 1.006 - 1.008 km | |
| • Artitú e la huenti | 1.593 m. | |
| • Caudal meyu | 500 m3/s | |
| • Superfici la cuenca | 80.000 km2 | |
| • Desembocaura | Atlánticu | |
| • Nombri oficial | Tajo(es)/Tejo(pur) | |
| • Nombri estremeñu | Tahu | |
Tahu (el griegu tahu = grieta) (en castellanu, Tajo, i en purtugués, Tejo) es el riu mas largu la Península Ibérica.
La su nacéncia s'alcuentra enos Montes Universales, ena rama ociental del Sistema Ibéricu, i, aluspués d'acorrel 1.008 qm, chega al océanu Alánticu, pol Lisboa. Ena su desembocaura horma el estuáriu el Mari la Paha, nel que cai un caudal meyu e 444 hm³ pol segundu.
Enos sus primerus 816 qm atraviesa España, ondi ahila pol cuatru Comuniais Autúnomas (Aragón, Castilla-La Mancha, Madril i Estremaura) i un total de seis províncias (Teruel, Cuenca, Guadalahara, Toleu, Madril i Caçris).
Aluspues de sel el arrayu entri España i Purtugal duranti 47 qm, entra nesti úrtimo pais.[1] Aquí acorri 145 qm, a través de las rehionis traicionalis de Alto Alentejo, Ribatejo i Estremadura, enas que s'entegran los distritus de Portalegre, Santarém i Lisboa.
Las ciais mas emportantis polas que pasa son Aranjuez, Toleu i Talavera la Reina, en España, i Abrantes, Santarém i Lisboa, en Purtugal.
La su cuenca tini una superfici total de 80.600 qm². Es la de mayol puebración la Península Ibérica, con mas de dies millonis d'abitantis. Cabi destacal que nella s'alcuentran las árias metrupolitanas de Madrii i Lisboa.
La cuenca e Tahu arcança una capaciá total d'embalsi d'alreol los 14.500 hm³. En referéncia al territoriu español, s'alcuentra regulá pola Confeeración Idrugráfica e Tahu, olganismu dependiente el Ministériu e Meyu Ambienti. El trasvasi "Tahu-Segura" deriva parti el caudal del riu a la zona suroriental d'España.[2]
El su cursu artu está incluiu endrentu el Parqui Natural del Artu Tahu, ena província e Guadalahara. Tamién el su cursu meyu-bahu está protehiu legalmenti, meyanti el Parqui Nacional de Monfragüi, asiahau ena província e Caçris. Ena su desembocaura s'alcuentra la Reserva Natural del Estuariu el Tahu.
[eital] Enhormación
- Asiahamientu: Centru-oesti e la Península Ibérica, la su cuenca arrecohi auguas de las comuniais autónumas d´Aragón (nacencia), Castilla i Lión, Castilla-La Mancha i Comuniá e Madrí (cursu meyu), Estremaura (cursu meyu- bahu) i Purtugal (cursu bahu).
- Nacencia: Huenti e García, Sierra d´Albarracín (Província e Teruel) a 1593 metrus d´artitú.
- Desembocaura: Océanu Atlánticu pol Lisboa, hormandu el estuariu e la mari e la Paha.
- Longol: 1007 km (731 km en España i 275 km en Purtugal).
- Afluentis prencipalis: Harama, Guadarrama, riu e la Hos Seca (qu´es el primel i mas emportanti), Tiétar (el qu´aporta mayol parti el su caudal), Alberchi i Alagón pola derecha. Guadiela, Ibor, Almonti, Salor, i Sever pola gocha.
- Puebracionis qu´atraviesa: Trillu, Saceón, Aranhués, Toleu, Talavera la Reina i Alcántara en España. Abrantis, Costancia (Constância), Santarém i Lisboa en tierras purtuguesas.
