Substrat
Diwar Wikipedia, an holloueziadur digor
Pa gemer ur yezh plas ur yezh all e vez graet substrat eus ar yezh a ya da get, ha superstrat eus an hini a van. Un doare levezoni etre yezhoù an hini eo (Gw. ivez superstrat ha adstrat)
Ar galianeg a deuas da vezañ ur yezh substrat pa gemeras ar galleg e blas. Daoust ha ma'z eo aet da get ar galianeg penn-da-benn e leuskas roudoù er yezhoù bet tapet e blas gante evel ar galleg.
Luziet-tre e c'hell bezañ klask goût peseurt perzhioù a gaver en ur yezh bennaket a deuas diwar ur yezh all, da lâret eo ur substrat, dreist-holl p'emañ marv ar yezhoù-se.
Teoriennoù dic'hortoz a zo ivez o tennañ da levezon ar substratoù war yezhoù zo komzet hirie an deiz. Da skwer, lod a gred ez eo ar japaneg ur yezh ganti ur superstrat altaek savet war diazez ur substart a orin aostronezek pe sinaek, pe c'hoazh e vefe anezhañ ur superstrat koreanek savet diwar ur substrat lec'hel a orin digenvez.
