Kenger
Diwar Wikipedia, an holloueziadur digor
Ur c'henger a zo anezhañ ur morfem a vez staget ouzh ur morfem diazez evit krouiñ ur ger. Hervez al lec'h m'en em gavont e-keñver ar morfem diazez e c'heller isrannañ ar c'hegerioù evel-mañ:
-
- Ur rakger (saoz. prefix): staget ouzh penn ur morfem diazez, d.s. ober > adober
- Ul lostger (saoz. suffix): staget ouzh dipenn ur morfem diazez, d.s. ober > obertiant
- Un enger (saoz. infix): ouzhpennet etre daou vorfem all, d.s. e saoz.neg abso-bloody-lutely
- Un troger (saoz. circumfix): staget ouzh pep penn d'ur morfem diazez, d.s. ne ...ket
- Ur dreistger (saoz. suprafix): ouzhpennet da berzhioù dreistskizhel (saoz. suprasegmental) ur morfem diazez, d.s. e saozneg récord (anv-kadarn) ha recórd (verb)
An holl kengerioù a zo ivez morfemoù distag atav dre o natur, da lâret eo ne c'hellont ket bezañ implijet evel gerioù war o fenn o-unan.
Ar morfem diazez, avat, a c'hell bezañ ur morfem distag (da lâret eo, ur ger) pe ur morfem stag pe ur wrizienn, da skwer:
- ober > oberiant: lostger (-iant) staget ouzh ur morfem distag (ober)
- oberiant > oberiantiz: lostger (-tiz) staget ouzh ur morfem stag (-iant)
- gra > (g)raent: lostger (-ent) staget ouzh ur morfem stag (gra)
Pouezus-tre eo kengerioù a bep seurt evit ar yezhoù daspegel.
