Мінскі метрапалітэн
З Вікіпедыя.
| Мінскі метрапалітэн | |
|---|---|
 |
|
| інфармацыя | |
| Краіна |  Беларусь |
| Горад |  Мінск |
| Дата адкрыцця | 30 чэрвеня 1984 года |
| Даўжыня ліній | 30,3 км |
| Колькасць станцый | 25 |
| Колькасць ліній | 2 |
| Пасажыраў за дзень | 800 тыс. |
| Пасажыраў за год | 290 млн. |
| Схема ліній | |
 |
|
Мінскі метрапалітэн, від грамадскага транспарту ў горадзе Мінск. Адзіны метрапалітэн на тэрыторыі Беларусі. Складаецца з 2-х ліній: Маскоўскай і Аўтазаводскай.
Змест |
[правіць] Гісторыя
План пабудовы Мінскага метрапалітэна быў зацверджаны Саветам Міністраў БССР 4 лютага 1974 года. 3 мая 1977 года пад Мінскам пачаліся працы па пабудове новага віда транспарту, а 30 чэрвеня 1984 года быў адкрыты рэгулярны рух цягнікоў ад станцыі «Маскоўская» да станцыі «Інстытут Культуры» Маскоўскай лініі. У 1985 годзе пачаліся працы па пабудове адрэзку 2-ой лініі метро ад станцыі «Фрунзенская» да станцыі «Трактарны завод». У 1990 годзе па гэтай лініі пачалі хадзіць цягнікі.
[правіць] Маскоўская лінія
Будаўніцтва першай лініі Мінскага Метрапалітэна пачалося 3 мая 1977 года, калі ў раёне будучай станцыі былі распачаты работы. Першая чарга будаўніцтва ўключала ў сабе 8 станцый: «Маскоўская», «Парк Чалюскінцаў», «Акадэмія Навук», «Плошча Якуба Коласа», «Плошча Перамогі», «Кастрычніцкая», «Плошча Леніна» і «Інстытут Культуры». Рэгулярны рух цягнікоў на гэтым участку быў адкрыты 30 чэрвеня 1984 года.
Праз два гады 31 снежня 1986 года была адчынена станцыя «Уcход», пасля чаго на першай лініі нічога не будавалася больш за 20 гадоў.
7 лістапада 2007 былі адкрыты дзве станцыі Маскоўскай лініі — «Уручча» і «Барысаўскі тракт»
[правіць] Аўтазаводская лінія
Праектаванне другой лініі Мінскага Метро пачалося ў пачатку 1980-х. Планавалася пабудаваць 15 станцый, якія павінны былі звязаць Заводскі раён з Чырвоным Борам. Будаўніцтва пешай чаргі Аўтазаводскай лініі пачалося ў 1984 гаду. 31 снежня 1990 гэты ўчастак быў адчынен. У яго склад уходзілі: «Фрунзенская», «Няміга», «Купалаўская», «Пралятарская» і «Трактарны Завод». У сакавіку 1991, праз тры месяца пасля астатніх, была адкрыта «Першамайская».
3 ліпеня 1995 года лінія была падоўжана на захад участкам з двух станцый: «Маладзёжная» і «Пушкінская».
7 лістапада 1997 года былі адчынены яшчэ дзве станцыі на усходзе лініі: «Аўтазаводская» і «Партызанская»
5 верасня 2001 была адчынена «Магілёўская», а праз два гады 1 верасня 2003 побач было пабудавана электрадэпо «Магілёўскае»
7 лістапада 2005 быў адчынены апошні на сённяшні дзень участак Аўтазаводскай лініі: «Спартыўная», «Кунцаўшчына» і «Каменная Горка»
[правіць] Развіццё
[правіць] Першая лінія
У 2004 годзе пачаліся падрыхтоўчыя работы дзеля прадаўжэння першай лініі ў паўднёва-заходнім напрамку. Участак у 7,3 км будзе будавацца ад станцыі «Інстытут культуры» праз «Грушаўку», «Міхалова» і «Пятроўшчыну» да «Малінаўкі». Першыя тры станцыі будуць адчынены ў 2011, а «Малінаўка» - на год пазней. Будаўнічыя работы на гэтым участку пачаліся ў 2007 годзе
[правіць] Трэцяя лінія
У 2008 пачнецца распрацоўка праекта будаўніцтва трэцяй лініі мінскага метро, даўжынёй 17 км з 12 станцыямі, якая злучыць Курасоўшчыну з Зялёным Лугам праз новы гарадскі раён Мінск-Сіці.
[правіць] Статыстыка
[правіць] У Сеціве
- КУП «Мінсктранс»: Філіял «Мінскі метрапалітэн»
- Афіцыйная старонка на сайце Мінска
- Мінскае метро: аўтарскі праэкт
- Мінскі метрапалітэн на urbanrail.net
- Мінскі метрапалітэн на xussrsubways.by.ru
- Мінскі метрапалітэн на сайце metrosoyuza.net
- Cхема путевого развития Минского метрополитена
- Форум метро Мінска
- Минское метро ожидают большие и малые перемены // TUT.BY : Общество, 30 марта 2008
Шаблон:Транспарт Мінска
