Dozwil
Us der alemannische Wikipedia, der freie Dialäkt-Enzyklopedy
| Wappe | |
|---|---|
 |
|
| Basisdate | |
| Kanton: | Thurgau |
| Bezirk: | Arbon |
| BFS-Nr.: | 4406 |
| PLZ: | 8580 |
| Koordinate: | 47° 34' n. Br. 9° 19' ö. L. |
| Höchi: | 465 m ü. M. |
| Flächi: | 1.305 km² |
| Iwohner: | 525 (21. September 2005) |
| Websyte: | www.dozwil.ch |
| Charte | |
 |
|
Dozwil isch e Gmeind im Bezirk Arbon im Kanton Thurgau i dä Schwiiz.
Inhaltsverzeichnis |
[ändere] Geographie
Dozwil liit im Oberthurgau uf em Seerrugge. Am Dorfrand finded mer herrlichi Ussichtspunkt. Vo dene cha mer bi schönem Wätter de ganz Bodesee überblicke. Im Weschte vo Dozwil isch de Güttingerwald und im Oschte dä Romanshornerwald, Beides optimali Erholigsgebiet. Die nöchschte grosse Ort sind Amriswil i 3 km Entfernig, im Süde, und Romanshorn, 4 km entfernt, im Oschte. Beidi cha mer i wenige Minute erreiche. Mit de Flächi von 130.5 Hektare isch Dozwil di zweitchlinscht Gmeind im Kanton Thurgau.
[ändere] Bevölkerig
| Bevölkerigsentwicklig | |
|---|---|
| Johr | Iiwohner |
| 1990 | 433 |
| 2004 | 526 |
| 2005 | 525 |
Vo dä total 525 Iiwohner (2005) hend 53 Einwohner ä usländischi Staatsbürgerschaft. D'Bevölkerig isch sit 1970 stetig gwachse, bliibt aber sit em Johr 2000 ungefähr bi 500 Iiwohner stoh. Vor 1970 isch s'Dorf no vom ussterbe bedroht gsi, d'Iiwohnerzahle hend döt drastisch abgno.
[ändere] Schuele, Hochschuele
Dozwil het e eignigi Primarschuel. Nur d'Chindergärtner gönd in Sommeri in Chindergarte. 1995 isch s'Oberstufezentrum Dozwil-Kesswil-Uttwil iigweiht worde. Ab em Oberstufealter gönd sit dem alli Schüeler us Dozwil, Kesswil und Uttwil in Dozwil id Schuel. ...
